Lemburkuring2007

Hampura Urang Silih Hampura

2 Pairan

Jutaan umat mulang ka lemah sarakan
lir mulang nyungsi wiwitan
muru poe iedul fitri
matri suci diri
beresih ati

Dina jiwa anu pasrah
Suhud ibadah tanpa pamrih
Ngempur cahaya wening galih
Dosa musna
Ka luar tina waruga

Aweuhan takbir
Ngagedur
Dina jiwa
Dina rasa
Allahu Akbar
Allahu Akbar
Allahu Akbar

Ya, Allah Nu Maha Asih
Anu nyangking satungkebing
Mung ka Anjeun abdi sujud
Mung ka Anjeun abdi balaka
Mung ka Anjeun abdi sasadu
Mung ka Anjeun abdi pasrah sumerah
Mung
ka
Anjeun

Mugi abdi sadaya
Manjang di jalan nu lempeng
Pengkuh dina runtuyan ibadah

Hampura urang silih hampura
Blungblang jalan kabagjaan
Pamuka lawang sawarga

EDDY D. ISKANDAR

(Dikutip tina Koran Sunda Galura)

2 thoughts on “Hampura Urang Silih Hampura

  1. muhun adat sunda teh ayeuna mah meh laleungit dala eta we rek puasa sok aya marunggahan, karuramas silih anteran rantang , nyekar ka makam ngabedahkeun balong jeung rea deui,,,,,,asa waas,,,,,,ah ngiring aub we ieu mah hampura bisi salah.

  2. Lebaran atawa Bada pikeun Jalma Sunda mangrupakeun bagian tina kahirupan. Ulahkeun anu Muslim, dalah anu non-Muslim oge ngarasa teu sampurna lamun mangsa lebaran atawa poe bada teu meuli baju anyar. Kitu deui dahareun, anu biasa dijieun dina poe lebaran kudu bae diaya-ayakeun. Henteu dina poe lebaran idul fitri bae anu dianggap istimewa, idul adha oge pasti bae kudu diramekeun. sanajan lain Muslim kuring tileuleutik sok miluan babarengan jeung barudak masigit anu aya di lembur kuring. Nepi ka ayeuna geus puluhan taun kulawarga kuring masih keneh sok dikirim daging domba lamun masigit kampung ngayakeun kurban. Estuning hiji budaya jeung kabiasaan anu kacida hadena. Teu aya anu pasea sumawona kudu ribut alatan beda agama. Lakum dinukum waliyadin (hampura bisi salah) ceuk babaturan kuring mah. Agama kuring keur kuring agama anjeun keur anjeun. Masing-masing aya pahalana. Duh panineungan……asa hese jaman ayeuna mah kaayaan masyarakat anu akur siga baheula.

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s