Lemburkuring2007

PDAM Tirta Kamuning Mekarkeun Usaha

Tunda talatah

PERUSAHAAN Daerah Air Minum (PDAM) Tirta Kamuning Kuningan, boga tekad pikeun terus ngamekarkeun kagiatan usaha-na. salasahijina ditaratas ngaliwatan Program Gebyar Cai Keur Balarea, hiji program nu diarahkeun pikeun ngajaring minat hususna masarakat Kuningan dina raraga nyumponan cai beresih.

Nurutkeun Direktur PDAM Tirta Kamuning Kuningan, H. Kamdan, S.E, eta program teh saenyana geus ditaratas ti mimiti bulan September 2009, dina raraga ngaronjatkeun pangladen hususna masarakat Kuningan.

“Eta teh lebet kana tujuh pilar pengembangan usaha PDAM Tirta Kamuning, nyaeta nambahan sambungan anyar minimal 17.000 SR jeung maksimal 28.010 SR nganggo sistem member get member,” ceuk Kamdan, basa milangkala ka-22 PDAM Tirta Kamuning, di RM. Lembah Ciremai.

Ari pilar pengembangan usaha sejenna, ceuk Kamdan, satuluyna, nyaeta nambahan jaringan pipah transmisi nu panjangana 8.433 meter, nambahan pipah distribusi 214.052 meter, ngaronjatkeun kapasitas cai nu ngamangfaatkeun idle capacity 140 leter/detik sarta nambahan kapasitas anyar 175 leter/detik ti mata cai Cibulan, mata cai Bojong Kopi jeung ngaronjatkeun IPA Waduk Darma.

“Salian eta oge nurunkeun tingkat kabocoran cai ku cara masang meter induk, ngaganti meter nu ruksak sarta ngaganti pipah-pipah nu ruksak,” ceuk Kamdan.

Bupati Kuningan, H. Aang Hamid Suganda, nyebutkeun, Kuningan mibanda potensi sumber cai hade. Kusabab kitu, perlu dimanggfaatkeun optimal pikeun kamamuran masarakat sarta pikeun ngaronjatkeun PAD.

“Nu matak reueus nyaeta salian mampuh mere palayanan ka masarakat Kuningan, oge mere palayanan ka masarakat Cirebon, Indrmayu sareng Brebes Jawa Tengah,” ceuk Aang.

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s