Lemburkuring2007

300 Murid SD di Kuningan Milu Gebyar Pamsimas

Tunda talatah

BUMI perkemahan Desa Padamatang, Kacamatan Pasawahan, Kabupaten Kuningan, poe Saptu (27/3) nu anyar kaliwat beda ti sasari. Pangna disebut beda teh sabab harita mah nu ngadon kemah teh lain anggota pramuka, tapi 300 murid SD ti 15 desa di Kuningan nu nampa Program Nasional Penyediaan Air Minum dan Sanitasi Berbasis Masyarakat (PAMSIMAS).

Memang, harita salila dua poe di eta lokasi kemah teh keur lumangsung Gebyar Pamsimas, Cuci Tangan Pakai Sabun (CTPS), Deklarasi Open Defecation Free (ODF) jeung perkemahan Sanitasi Total Berbasis Masyarakat (STBM) Perilaku Hidup Bersih dan Sehat (PHBS).

Nurutkeun Kepala Dinas Tata Ruang dan Ciptakarya Kabupaten Kuningan, Drs. H. Lili Suherli, M.Si, Gebyar Pamsimas teh ngarupakeun puncak tina kagiatan Program Pamsimas taun 2009. Eta kagiatan boga udagan nyaeta pikeun ngabina jeung ngabentuk murid katut masarakat desa peserta program Pamsimas sangkan mibanda pola perilaku hirup beresih jeung sehat.

“Ieu program kanggo ngarobah pola hirup beresih sareng sehat ngaliwatan lima pilar STBM PHBS nyaeta henteu miceun kokotor jalma sambarangan, ngumbah leungeun make sabun, ngamankeun cai inumeun jeung kadaharan, ngokolakeun runtah nu bener jeung ngokolakeun limbah cair nu aman,” ceuk Lili Suherli, nu harita dibarengan ku Kepala Bidang Teknik Penyehatan Dinas Tata Ruang dan Ciptakarya Kabupaten Kuningan, H. Atony, M.Si.

Lili nyebutkeun, Gebyar Pamsimas dieusi ku acara diantarana Gebyar Cuci Tangan Pakai Sabun, lomba cerdas cermat sehat, lomba pidato, lomba maca puisi, lomba ngagambar, lomba kabersihan tenda jeung lomba kreasi seni STBM PHBS. Salian ti eta, keur ngalatih motorik siswa diayakeun kagiatan jelajah alam, outbond, jeung ngawanohkeun fisik sarana cai bersih.

.

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s