Lemburkuring2007

SMPN I Kuningan Juara Umum BSP

Tunda talatah

SMPN I Kuningan, kapeto minangka juara umum Bahana Suara Pelajar (BSP) tingkat SLTP sa Wilayah Cirebon, nu diayakeun ku Talent Organizer di Kuningan Saptu (13/3) nu anyar kaliwat.

Kahontalna eta prestasi teh tangtu henteu pukah peran sawatara siswa eta sakola nu mibanda bakat dina widang ngahaleuang, nu nampa panggembleng ti Drs. Cecep Amalia, guru Seni Sunda SMPN I Kuningan sarta nampa pangdeudeul ti sakumna guru kaasup kepala sakolana.

Nu mibanda bakat dina widang ngahaleuang teh diantarana Cindy Febriana (Kelas VII-D) nu nyangking juara hiji, Allisa Zahra Nasution (Kelas VIII-E) juara dua, Saras Zetira Pratiwi (Kelas VIII-B) juara harepan hiji, Wulan (Kelas VIII-D) juara tilu. Aditia Tri Ardiansyah (kelasVII-H) juara II, Falah Akbar VIII-E juara III.

Cindy jeung babaturanana, nembongkeun roman kabungah pedah bisa ngahontal prestasi nu nyugemakeun. Teu rek ngarasa bungah kumaha, sabab ngahontal prestasi kawas kitu teh merlukeun waktu jeung latihan nu daria.

“Tangtos bingah atuh pa, margi hasil latihan teh aya hasilna. Terus terang abdi sareng rerencangan dilatih ku Pa Cecep Amalia,” ceuk Cindy.

Kepala SMPN I Kuningan, Drs. Jaja Ahmad Zaenudin, M.M, miharep kacangkingna eta prestasi sing bisa dijadikeun pangrojong pikeun leuwih ngaronjatkeun ajen prestasi boh prestasi widang akademis boh prestasi sejenna contona widang olah raga.

“Sim kuring miharep siswa-siswa langkung kreatif, luyu sareng salah sahiji program sakola dina raraga nerapkeun program persaingan boh persaingan di kelas, lokal, regional, nasional sareng internasional,” Jaja Zaenudin.

.

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s