Lemburkuring2007

Sobat Sajati

8 Pairan

Ku : E. Sutisna
Hiji peuting poe sabtu bada isya di teras Tajug mangsana bubaran ngaji di Desa Pajambon, desa di Pasir Gunung Ciremai, aya 7 urang budak keur galecok ngobrol kaditu kadiu mani rame..
Aya si Udi (dilandih “siBolu) da awakna buleud jiga kuweh bolu, si Soleh (dilandih si Magrib) da kulitna hideung jiga poe ek nincak ka Peuting, si Iding budak pang jagona nyieun coco’oan boh momobilan atawa wawayangan, si Alim nu bener2 alim ngan sok kucap-kicep panonna jiga nu cacingan mun nempo baturan awewe da pang kasepna di antara babturan mah..si Heri (dilandih siJawa) pedah di imahna mun keur ngarobrol suasanana jiga di Jawa da Bapana medok mun ngomong maklum asal ti Brebes, si Karwan (mun jogol sok mawa2 kolot da meureun pedah bapana Hangsip ) Sareng Penulis (anu teu eleh kasep…ak ku si
Alim, tapi soal nyali mah diantara nu sejen..wah..pokonamah).

Hey! Tas Subuh urang lari yuk (lari pagi maksudnamah) ka Kurucuk terus ka Karamat mulya balikna urang nungguan Mobil Mang Yana nu tos ti Pasar Baru, kumaha uey..cek si Alim mani semanget..

“njah euy..tiris” cek si Bolu
“Tukang molor siahmah Bolu” cek penulis’
“Heueuh pan hayang begig nyaneh teh” si Iding ngahauk
“kajeun si Bolu ari moal milu mah urang bae yuk genepan ke balikna mampir di Bibi urang anu jualan Pia-pia jeung gemet di Karamat Mulya” kuring mere usul.
“satujuuuu” cek nu sejen kompak
“Aing milu atuh ari kitumah” si bolu gancang nempasan..
“Huuuuuuuu ari ngadenge lebokan mah siah, rikaaaaaaaaaat..” cek si karwan.
“Tapi urang boga usul yeuh..” ngadadak si Iding ngomong
“Naon Ding?? Cek nu sejen
“Urang nyampeur si ndang(penulis) terus ka imah si Bolu, si Jawa,si Alim, si soleh ke bareng tungguan di karang wa Wiharma sisi jalan terus samemeh lari urang ngojay heula euy di balong si Alim, jero tur herang caina da teohna lain leutak tapi keusik jadina teu gampang kiruh, kumaha euy??

“njah aing mah..tiris!! jeung deuih bapana si Alim mah pan galak..lain kitu Lim?? cek siSi Bolu epes me’er.

Moal pan jeug aing ngojayna” cek si Alim ngajamin.

Geus atuh ayenamah urang baralik bisi kabeurangan, pokonamah nu hese dihudangkeun rek di tinggalkeun..cek Penulis.

Kacaritakeun isuk2 bada subuh 7 urang geus ngumpul di karangna Wa Wiharma sisi jalan, terus si alim pangheulana leumpang, nu di tuju balong manehna anu pernahna teh sisi walungan di tengan lembur..

Anjirrr tirrrrisss pisan euy.. cek si Bolu ngadegdeg”
Heu’euh geuning lu’ tiris benerrrrannnnn” cek si jawa.

“tapi bener nya euy jero tur herang..sing lila euy ngojaynaaaaa” cek penulis bari lumpat tuluy ngagujubar ka tengah balong, si alim keur ngojay bangkong, si Jawa gaua batu, si bolu gaya Jubleg si Iding gaya-gaya-an…

Na ari keur reresepna ngojay, kadenge si alim ceurik bari nyekelan hulu..

“aduuuuuh saha nu ninggang euy,, hulu aing aya nu ninggang…cek si alim humarugung..

Wa Eboooooooooooooooooooooooooooorrrr.. lumpaaaaaaaaaaaaaaaaaaaat!!!! siJawa mere aba-aba. Na ari beretek the kabehan kompak baru u’ulutudan teu marake calan da teu sempet saking sieuna ku wa ebor, si Alim bae nu jadi anakna milu lumpat, pang tarikna malah…

“Mantog siah!! Hayang di Babet ku aing sugan, kiruh balong aing ke marabok laukna!!! Wa ebor gogorowokan ngambek..teu sadar nu beunang katinggang ku manehna teh anakna keneh…heuheuy deudeuh karunya si Alim..

Ari penulis saparakanca mah hayuh bae lumpat sakalumpat-lampet, nepi di tempat nu aman bari napas ngahos-hos kabehanana ngaso bari jeung sibuk marake calana jeung baju.
“ ari si bolu kamana euy!!!?? Si Jawa karek sadar yen pasukan kurang hiji..
“boa-boa beunang ku Wa Ebor, Lim..guera ilikan si bolu bisi dikunanaon ku bapa siah” cek si iding.

Moal lah moal beunang da kajeun gendut jiga bolu ari akalna mah Panjang jiga Kacang”!..cek hiji sora.

Eeeeh sibolu mucunghul ti tukangeun Ruyuk bari teu make nananon uulutudan, sok bayangkeun ku palawargi sadaya “ aya Budak umur 11 taun (5 SD) Gendutt, montokh, can disunatan..ngagigeug lempang bari seuri…”

Geus komplit mah bring pasukan mulai lari (pagi) padahal samemehna geus lari lumayan jauh ku sabab sieun ku Wa Ebor tea..

Kacaritakeun kuring saparakanca geus nepi ka Karamat Mulya (samemeh SMPN) aya warung Beulah katuhu, nya eta teh pun Bibi tea.
Si Bolu emang pang Rampusna batur dua manehna opat, da dua sakli habek..mumpung gratis cek manehnamah.. perlu di uninga yen kuring saparakanca the memang euweuh nu mawa duit, da teu boga tea, jeung ari libur sakolamah nu biasana dibere duit teh da leungit atuh jatah jajan ge. Tapi nyaeta ari keur bolon mah duit the tara jadi soal komo mun inditna lobaan aya masalah naon di tanggung bersama.

Intina resep mun kahirupan kiwari ibarat bolon anu kompak gampang ngahampura kasalahan batur, tara lila parasea, silih bela..

Nepi ka Waktuna mobil Mang Yana ngaliwat karek kuring saparakanca pamitan ka Pun Bibi bari teu poho ngahaturkeun nuhun. Anu oangbungahnamah si Bolu da balikna ge dibekelan goreng Pia2 sagala…malah sajajalan gawena ngan ngagael terus padahal nu sejen mah rame nyaritakeun pangalaman anu bieu kalakon. teu karasa mobil geus nepi deui di Desa Pajambon tercinta, ninggalkeun si Bolu anu kerek tibra….

Sakitu pangalaman sing kuring keur bolon baheula di Lembur di Pajambon. Punten mun bahasana kasar da emang kitu kaayaanana bahasa kuring keur bolon teh…loba pangalaman keur budak nu mun di caritakeun mah matak was…

Cag ah sugan we aya waktu keur neruskeun iyeu carita anu teu bermutu tangtuna da kuring mah lain penulis sajati sapertos budak cibunut thea.

E. Sutisna

Kajeun = sawios
Njah = mbung
Mantog = nyingkah
Babet= Tinggan

8 thoughts on “Sobat Sajati

  1. @0m Endang: kintunan atos katampi ku abdi, hatur nuhun pisan… Pesbuk na atos di add ku abdi, kantun di comfirm bae 0m… Kang ajun anu gaduh ieu blog hatur nuhun… Sok laguna buah kawung we… Sadaaaaap! Hehehehe….

  2. Aduh !!!!!!!!! aya deui tah SI KOLOR IJO ? Kang KOLOR IJO, kamana wae akang teh ? tos lami teu OL di LK, nuhun tos damang mah, kapungkur teh mireng wartos udur, hayu lah kang KOLOR urang ramekeun deui LK, TOS KANGEN KANA KOMENTAR TI kANG KOLOR IJO yeuh abdi mah, naha teu gentos kolor na kang ? kunu KONENG atuh ayeuna mah , geura tambih kasep…..

  3. Ganti heula kolor akh…..

  4. Wilujeng kang, mangga urang ngobrol. Nepangkeun abdi A.N Sudarna kawit ti cibunut. Dupi akang kawit ti mana?

  5. Saurna aya anu nuju nganjang sami didieu aya tiluan, nepangkeuan abi Apana Saka

  6. ( sahabat sejatiku hilang kau dari ingatanku, dihari ini kita rayakan. Kita slalu brpendapat, kita ini yg terhebat, keangkuhan dimasa muda yg indah…. Aku hitam kau pun hitam, aku raja kau pun raja, arti teman lebih dari sekedar materi…,)
    .
    .
    Om endang, eta lagu kebangsaan kuring sareng rerencangan samangsa esempe. Baheula, kuring oge gaduh lingkaran sobat anu dareukeut pisan. 6 urang. Kaditu kadieu kompak. Malah garaduh nami lalandian sagala. Abdi disebat si JILUN, Toto si TOKE, Nunu si KARDUN, Maman si CAKE*pedah pendek*, Uri si RIWOG, Eka si CEKO. Baheula mah teu kapikir mun waktu arek kitu bae misahkeun kuring saparakanca. Kemping, neangan buah dileuweung, ngojay di susukan eta janten bagian anu menyenangkan. Ayeuna, eta sadaya mung karaos tina pikir tina ingetan bae margi tos sabaraha taun oge ngan sakali kali bae jonghok jeung maraneh na. Kaluar SMP taun 2001, abdi langsung damel di hiji toko di garut dugi ka taun 2007, uih nganggur dugi ka ayeuna. Ari rerencangan abdi mah sarakola deui sma, aya nu kuliah. Ayeuna aya nu damel di bdg, jkt teras aya nu disukabumi. Enya asa waas mun inget mangsa2 eta teh om. Nuhun carita na. Om Endang dupi ayeuna damel dmana?

    Salam,
    A.N Sudarna, budak cibunut_thea..
    P/s: Tong hilap, dupi aya waktos caritana di lajeng deui nya 0m….

    • nuhun Ayi alex..
      Om di Pamulang, damel di Jakarta di Konsultan Hak Kekayaan Intelektual..waas emang yi mangsa keur bolon teh..taya ka siuen tur kasusah, unggal poe dieusiaan ku heureuy jeung sukabungah, loba nu bisa ku urang diala dina mangsa urang keur budak..kompak, gampang silih hampura tur bela pabela-bela..Yi..nepi CD teh? sok didungakeun ku Om sangkan naon anu dipiharep teh sing jadi kanyataan..

      salam ti Pamulang.

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s