Lemburkuring2007

Boled Kuningan, Memang Unggul

1 Pairan

KABUPATEN Kuningan, tetela henteu saukur kawentar ku kaendahan alamna, obyek wisatana, budaya masarakatna, tapi oge boga potensi sektor ekonomi nu bisa dimekarkeun minangka produk unggulan.

Salah sahijina nyaeta Boled Kuningan (ubi jalar) nu kiwari katara nembongkeun pamor.
Malah eta potensi nu samemehna kurang direret ku masarakat, kiwari kaasup program pamarentah dina raraga ngaronjatkeun Indek Pembangunan Manusia (IPM) Bidang Daya Beli.

“Leres dina ngalaksanakeun program IPM di Kabupaten Kuningan teh salah sahijina nya eta mekarkeun Agribisnis boled, salian Agrbisnis domba, nya eta nu darahkeun kanggo ngaronjatkeun promosi sareng pamasaran boh nu nuju ditatartas boh nu bade dibina sarta milarian lolongkrang pasar di lebet sareng luar nagri,” ceuk Kepala Dinas Perindustrian dan Perdagangan Kabupaten Kuningan, Drs. H. Kamil Ganda Permadi, M.M,. ka Galura, waktu nu anyar kaliwat.

Nurutkeun Kamil, produk agribisnis Boled Kuningan nu varitasna merah putih, boga udagan hayang ngahontal kagiatan ngaronjatkeun produktifitas hasil usaha usaha petani, ngaronjatkeun kesempatan lolongkrang gawe ku cara ngalegaan areal pelak boled tina 2105 hektar pada taun 2007, ngaronjat jadi 3105 hektar taun 2008.

Ku eta hal dpiharep kapasitas produksi per hektar 18 ton nu antukna per musim produksi boled Kuningan ngahontal 55890 ton/musim atawa tiap taunna 111780 ton (2 kali musim) sarta nambahan kelompok tina 50 kelompok jadi 78 kelompok nu tsumebar di 6 kecamatan (45 Desa).

Salian ti eta ngabangun pabrik chip boled kapasitas 12 ton tiap poena,
ayana gawe bareng pabrik tipung nu aya di Kabupaten Kuningan nu kapasitasna 12 ton satiap poena jeung pikeun kabutuh pabrik tipung nu aya di luareun Kabupaten Kuningan.

Eta program teh kawilang strategis pikeun ngagampangkeun para kelompok tani boled dina ngajual hasil produksina sarta diarahkeun dina stabilitas harga boled nu kenyataanana di lapangan salawasna ngalakonan fluktasi harga.

Ari pabrik chip ngarupakeun salah sahiji industri bahan baku tipung pikeun masok pabrik-pabrik tipung boled diharepkeun minangka alternatif ngaganti tipung tarigu boh bahan baku campuran tipung tarigu nu hargana relatif leuwih murah jeung bisa dijadikeun rupa-rupa kaolahan.

Jumlah pabrik chip boled aya 6 unit nu sumebar di sawatara desa, lokasina padeukeut jeung para petani boled diantarana Kelompok Mitra Tani di Desa Pancalang Kacamatan Pancalang, Kelompok Subur Makmur Desa Bandorasa Wetan Kecamatan Cilimus, Kelompok Buana Sari Desa Panawuan Kecamatan Cigandamekar, Kelompok Mekar Sari Desa Cimaranten Kecamatan Cipicung, Kelompok Ciremai Giri Desa Kalapagunung Kecamatan Karamatmulya jeung Kelompok Karya Nugraha Desa Manis Lor Kec. Jalaksana. *

One thought on “Boled Kuningan, Memang Unggul

  1. Hatur nuhun infona, mugi-mugi Kuningan tiasa langkung majeng.

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s