Lemburkuring2007

Desa Cikaso Boga Sakola Bertaraf Internasional

5 Pairan

KARAMATMULYA :

Sabengbatan moal aya nu nyangka lamun di Desa Cikaso, Kacamatan Karamatmulya, Kabupaten Kuningan, aya sakola Taman Kanak-kanak (TK) jeung SD nu jauh beda lamun dibandingkeun reujeung sakola sejenna hususna di wewengkon Kabupaten Kuningan.

Teu rek kitu kumaha, atuda nilik bangunanna henteu eleh sigrong ku sakola-sakola sejen sanajan kudu dibandingkeun jeung bangunan perguruan tinggi. Enya, kapan eta dua sakola nu beda tingkat teh kaasup sakola nu boga predikat Sekolah Bertaraf Internasional (SBI), nu matak pantes lamun leuwih onjoy batan sakola sejenna teh.

TK-SD Bertaraf Internasional-Cikaso diadegkeun sawatara taun katukang, dina lahan nu legana 3, 6 hektar. Kiwari dikokolakeun ku 26 urang guru nu parigel dina widangana sarta boga latar tukang pendidikan S-1 jeung S-2. Atuh kasebut sakola nu tarafna internasional fasilitasna oge kawilang lengkep. Contona wae samodel laboratorium, internet, perpustakaan digital, rohangan psikolog, Bank Mini jeung sarana sejenna nu carang aya di TK jeung SD umumna.

Kepala Unit Pelaksana Teknis Dinas (UPTD TK-SD) Bertaraf Internasional (SBI) Cikaso, Hj. Nani Rusnani, S.Pd, nyebutkeun, TK-SD SBI teh boga peran salian ngarupakeun pendidikan formal bertaraf internasional nu statusna negeri, pelatihan guru, oge ngarupakeun wisata pendidikan.

Dina enggoning metakeun peran minangka pendidikan formal bertaraf Internasional, ceuk Nani, satuluyna, TK-SD SBI Cikaso ngawedelan pikeun neuleuman pendiddikan ti sakola atawa lembaga pendidikan nu aya di jero jeung luar nagri.

“Kumargi kitu, dina nerapkeun pangajaran ka murangkalih teh nyoko kana kurikulum terpadu nya eta kurikulum diknas, kurikulum muatan lokal sareng kurikulum internasional ditambih program unggulan,” Ceuk Nani, di rohangan gawena, sawatara waktu katukang. *

5 thoughts on “Desa Cikaso Boga Sakola Bertaraf Internasional

  1. Ngiring bingah… Salam kasadayana…

  2. Sakola agreng … bertaraf internasional, bangga urang teh jadi urang Kuningan. kabanggaan ieu hoyong tetap dijaga ku ningkatkeun PEMBELAJARAN murangkalih anu masagi dina segi elmu jeung agama. Hayu urang dukung SBI Cikaso Kuningan.

  3. Salam kanggo neng Ica ti Mang Mul.

  4. halllooo….selamat kanggo desa cikaso tempatku dilahirkan…. telah bekembang dan maju saat ini… salam kanggo wargi cikaso sadayana…..

    B/Rgrds
    Heri Abdi

  5. Alhamdulillah tambih majeng wae sarana pendidikan pikeun anak2 urang teh pamugi tiasa ditunjang ku hasilna oge bakalan bertaraf anu sami.

    Salam kanggo urang Cikaso “Budi” rerencangan nuju di smpn 2.

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s