Lemburkuring2007

Nu Pinter Ngadongeng

11 Pairan

WULAN Nawangsih, urang Luragung Kabupaten Kuningan, boga bakat ngadongeng Sunda. Bakat nu carang dipibanda ku rumaja sapantar jeung dirina. Enya, tong boro ngadongeng Sunda, dalah nyarita ku basa Sunda kapan nyebutna teh sok ngarasa kagok.

Da enya, kapan rumaja ayeuna mah rereana cacarita teh sok direumbeuy ku basa gaul. Eta oge diaku ku Wulan pribadi, sapopoe mah inyana oge rumasa kurang lancar make basa Sunda. Keur mah iti mimiti sakola TK nepi ka kelas IV milu ka kolotna di Jakarta. “Sakedik-sakedik mah tiasa basa Sunda, piraku da abdi teh kapan dilahirkeun di Luragung, pun biang urang Sunda ari pun bapa ti Jawa tengah ” Ceuk putra Ibu Mimin jeung bapa Heri, nu lahir di Luragung, Kuningan ping 18 Maret 1990 teh. Geuning eta tiasa ngadongeng Sunda? Ceuk Wulan, eta mah kaparengkeun kusabab dilatih ku salah saurang guruna, sabab katangen dirina boga bakat dina nyarita. Keur nyuprih elmu di SMPN Luragung, kapentes jadi MC (Master of Cheremony) jeung maca sajak. Ku leukeun diajar mah, teu burung bisa, malah dina nepikeun dongeng Sunda tanpa teks, mani capetang, bari pepeta sagala rupa. Teu matak heran, basa aya Pasanggiri ngadongeng basa Sunda tingkat SMA sa-kabupaten Kuningan sawatara waktu kaliwat, Wulan Nawangsih nyangking juar hiji. *

11 thoughts on “Nu Pinter Ngadongeng

  1. Hapunten kang…Icuk, dupi rompokna kang Didi Sunardi teh palih mana di pasapen 1 na, gang warrior, atanapi di mana ?, maklum kang ari abdi teh jarang dilembur, tiasa kaetang dilembur teh, paling lami 2 minggu eta oge 4 sasih sakali…

    kaleresan ayeuna abdi teh nuju aya di pangumbaraan di Riau tea ( Duri ), Insya Allah boboran saum bade wangsul ka Kuningan…

    muhun kang.. salam wae kasadayana di blog….ka wargi2 kuningan…

    wilujeung….

  2. Satuju pisan kang Andi.
    Pami tepang, salam ka Didi Sunardi, di pasapen 1.

    Jakarta Timur

  3. Ass.wr.wb.

    Bravo…neng wulan…kurajin diajar sareng latihan mah, Insya Allah..tiasa ngadongeng ku bahasa naon wae…bahasa sunda, Indonesia, inggris, arab jeung sajabana, komo deui ieumah ngadongeng ku bahasa karuhun…meni reueus akang…mah.

    apan jaman kiwarimah sesah mendakan remaja anu resep kana bahasa karuhun..nyaeta basa sunda tea…wilujeung neng wulan….tong hilap teu kendat-kendat ngadua ka gusti Allah…

    mangga lajengkeun….sanes kitu,, kang adi, kang icuk, kang rastono, kang lembur kuring..wilujeung tepang..sareng abdi, ti kuningan tea ( pasapen I ).

  4. euleuh-euleuh pinter pisan neng wulan teh..
    teraskeun di ajarna khususna ngadongengna, amih aya nu jadi gantina mang jaya..

    hidup urang Luragung….

  5. Wilujeng kan Neng wulan, teraskeun ah perjuangan teh, supados aya kartini-kartini muda anu tiasa tandang ka pakalangan. komo deui ieu mah mangrupikeun bakat anu benten sareng nu sanes. malahmah kalebet bakat langki.
    Asa kaemutan kapungkur aya mang Jaya, Mang Eka sareng neng Ninin anu tiasa ngadongeng di Radio Linggarjati, mudah-mudahan Neng Eka janten panerusna. Sok diduakeun pisan sing sukses.
    Kanggo Bapa2 di pemda, kade eta Neng Wulan teh mangrupikeun aset kabupaten Kuningan ulah sampe leupas dicandak ku kabupaten sanes anu langkung merhatoskeun kana kabudayaan sareng kasenian.

  6. Kumaha wartosna mang jaya, mang eka teh?

  7. sae..mugi2 panerus nu tiasa sapertos mang jaya sareng mang eka..

  8. ngiring bingah ku ayana urang sunda anu masih mikacinta ka lemah caina!

  9. Salut jeung acungan kadua jempol keur Neng Wulan dizaman kiwari masih aya remaja anu majengkeun basa sunda, perhatosan kanggo pamarentah kota eta teh kedah diperhatoskeun sebagai generasi penerus / asetna daerah.

  10. Salut akang mah neng Wulan tiasa ngadongeng, komo nganggo basa sunda, akang ngarojong lah .

  11. Pingbék: Nu Pinter Ngadongeng | Catatan Blogger Kuningan

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s