Lemburkuring2007

Nyawang Cilengkrang Ti Kaanggangan

21 Pairan

Catetan : Endang Sutisna

HIJI desa di suku Gunung Ciremai, wewengkon Kabupaten Kuningan, tempat nu kungsi matri ati. Nya di ieu desa pisan kuring kungsi ngarasakeun tiisna hawa gunung jeung endahna alam pilemburan. Reueus jeung bagja harita mangsa keur budak jadi urang gunung nu boa teuing kiwari mah bisa kaalaman ku genersi ayeuna.

Kacipta samemeh usum panen, samulangna ti sakola teh sok tuluy ka sawah bari teu poho mawa bekel saayana. Ka sawah teh lain rek ngadon ulin, tapi nungguan pare nu meumeujeuhna alaeun bisi beak ku manuk pi’it.

“Hoyah..hoyah..halik siah..minggat mun geus seubeuh” gorowok teh baru rikat ngabetot tali nu nalian bebegig..berrrr si pi’it saparakanca teh hiber ka sawah nu sejen (pinter nya) duka ayeuna aya keneh kitu manuk pi’it teh, aya deui manuk heulang (elang jawa kituh) muih di luhur bari panon ngawaskeun anak hayam nu misah jeung bikangna..aya keneh heulang teh kitu ayeuna????? ret kana munding hmmm coba rasakeun kulit leungen jeung kulit bitis mun urang pas aya dina luhur awak munding.hiyyy ginggiapeun tuda tapi da teu kapok hayang deui-hayang deui numpak munding teh..aya keneh munding di lembur??? nu bedas ngagaru sawah teu pernah ngarasa cape!! aya keneh kitu ayeuna munding nu ngawuluku atawa geus diganti ku munding Jepang atawa mesin traktor nu pasti bahan bakarna ku bensin anu matak jadi polusi jeung racun kana sawah!!! saha anu pernah nyieun sasaungan di pasir sisi gunung??? hmmm bari meuleum sampeu atawa jagong nepi ka tutung tapu da rasana edot bae..kungsi baheula kuring jang pada batur ulin di sasaungan di sisi gunung can ge meuleum jagong da kaburu aya bagong!!! aya keneh kituh bagong teh di lembur kuring, sakapeung kungsi aya kidang lumpat ka lembur di berik ku sadesa tapi sang kidang lumpatna taya tandingna (pantes mobil jepang aya ni di merekkan Kijang “memang tiada duanya” aya keneh kitu kidang di lembur kuring..monyet!! kamana eta kunyuk teh nu baheula ting gurawil dina tangkal di Pamalayan kamarana atuh silaing teh..sieun ku manusa anu jahat atawa geus teu aya nu bisa dilebok..duka kamarana ayeuna monyet di lembur kuring teh?? Gatrik, adu pinci, gepak sodor, bebentengan, jiglong..ayeuna masih keneh aya kituh barudak dina mangsa caang bulan ulin babarengan uucingan??? kamana kabogoh kuring nu baheula nu geulis ku ambucuy meni pikaedaneun..Kiwari desa kuring loba nu ngajugjug reh ayeuna aya tempat rekreasi nu karek kapanggih nyaeta “lembah cilengkrang” kade kuring amanat ulah ngaruksak nu geus jadi hak!! ulah nambahan sangsara kana sasatoan, tatangkalan jeung nu sejenna!! cag ah sakieu heula coretan Budak Pajambon, salam ka N. Gunadi, kang Ajun sareng ka sadayana baraya di tatar Kuningan.

21 thoughts on “Nyawang Cilengkrang Ti Kaanggangan

  1. Asa ku waas sareng jauh paninengan….

  2. al fatikha buat Endang A.Sutisna….

    • Pangalaman ngajugjug Lembah cilengkrang..

      Basa lebaran taun kamari kaleresan Tamu kaluarga ti Tasik hoyong pisan ka Cilengkrang da eta panasaran cenah mun ukur mireng carita mah..nya ku kuring dianteur ngan samemehna dibejaan ari lalampahan ka Lembah Cilengkrang teh bakal manggih jalan turun naek mapai gawir nu ngalingkiwing (basa sunda eta teh) tur kudu boga kasiapan fisik anu Oke. jeung deui hadena mun rek kaditu kudu isuk2 ambih teu buru2 tur teu kapeutingan balikna, kabeneran kuring saparakanca indit teh jam 2 beurang.. Brul aya meureun 12 urang mangkat ka Cilengkrang..pan ari ti lembur abdi mah (Pajambon I love full) pasti manggih nanjak ti mimiti kaluar ti imah ge geus nanjak leumpangna, bener bae karek nepi ka Jumleng ge (bumi pa kuwu) loba nu ting harahuh nyekelan tu’ur padahal perjalanan masih keneh sa Jamna jeung can sapira mun geus manggihan tanjakan Pamalayan (baheula didieu loba pisan monyet..teuing kamarana ayeuna teh atuh para monyet teh nyingkahna, nu pasti habitatna ngarasa kaganggu ku manusa) jeung saterusna..tapi da eleh geuning ku rasa panasaranmah para Tamu teh sanggeus istirahat tur make Semanget 45 neruskeun lalampahan..kuring bae nu geus sabaraha kali boa ngaliwatan jalan satapak ka arah cilengkrang geuning teu aya bosenna nyaeta mun nyawang ka lembur mani waas ningali pilemburan jeung ngaplakna sawah jeung tatngkalan, ktingali Mesjid Pajambon..waas tenan pokonamah..

      kacaritakeun rombongan teh geus nepi ka cipanas, wah mani jebras-jebrus marandi nepi ka poho balik, haranjat teh dumeh ku kuring di geuwah2..da dina rombongan teh aya barudak, kolot..lalaki, awewe. “pasti ka peutingan yeuh balik” gerentes hate. Bener bae di tengah jalan ka denge Adzabn Magrib tur beuki lila jalan teh beuki poek jeung teu mawa senter deih!..mimiti mah pa dago-dago ari lila2 duka ku naon rombongan teh ngencar..4 urang ti heula.. 4 urang deu di tengah..nu sejenna anu rata2 geus karolot andeuri..untung kuring boga Mamang (mang Basyir) nu biasa jaga di Cilengkrang..Poek bener iyuemah da lempang ge susar-sasar komo nincak ka jelma anu karek nglampah cilengkrang mah mun teu ati2 bisa nyasab ka gawir..mawa eta ge HP tapi da cahayana ge teu pati ngabantu..nelpon sinyalna goreng..tapi alhamdulillah sadayana tiasa kumpul, anu pang heulana nepi ka pamalayan ngadagoan nu sejena. Nepi ka imah rombongan di tanya ku kuring..kumaha kesan2 na..sadayana raresepeun jeung hayang balik deui ka Cilengkrang tapi…arembungeun mun balikna ka cgat poek..

      saran ti kuring pami rencang bade ka Cilengkrang:
      1. ulah indit burit..balikna ripuh (mending mun mawa senter mah)
      2. Jaga sikap, tingkah laku ulah bedegong.
      3. Jaga kalestarian nu tos di pasihan ku Pangeran mangrupi kakayaan alam..
      cag ah salam ti budak Pajambon.

      E. Sutisna.

  3. Yunita Kristanti,,,

    Nama asing yang baru kukenal beberapa minggu namun seolah paras kecantikanmu terpancar lewat pesona alami bahkan lebih cantik dibanding lembah cilengkrang.

    Keindahanmu bak mawar yang mulai tumbuh di taman hati cilengkrang.
    Alangkah indahnya lagi jika dirimu dapat berada disampingku saat kuberjalan menghampiri curug yang ada di lembah nun indah,CILENGKRANG.iya tah???

  4. lamun si bom2 anu ngalamar putri abdi sok atuh…

    • kuwu pajambon, saha tea ieu teh..sayah ti pahing kaler anu kungsi malang malintang di dunia persilatan di Pjambon..HAHAHAHAHAHAHAHH…HA,HA,HA,HA Piss Pajambon anu sampe kiwari ka patri dina ati sanajan ayuna abdi jauh di pangumbaraan, salam kanggo wargi Desa Pajambon, kangen euy ka Batu SiGajah, pamaringinan, jeung kumpul di pengkolan…

  5. eh si angga maneh teh grup na saha lamun kemping?awas sia ulah parkir ka imah abdi.

  6. Oh putri kaulah impianku,,
    kulihat cinta dimatamu,,walaupun kau tak mengatakannya,,

    putri indonesia,,,
    hahahaahahhahah,,,kikuk2

  7. jika indahnya cilengkrang dapat ku ukir ku kan hampiri cilengkrang dengan jualan krupuk

  8. cilengkrang tempat me’net dan kaji(pasti ga tau artinya kan?).gak,,,gak,,,kikuk,,,kikuk

  9. Cilengkrang,,,
    kuukir indahmu dalam 4 langkahku yang terganggu namun akan kusimpan semuanya dalam pahatan hati yang mungkin telah rapuh..

  10. dna sela-sela gawir sisi pasir geusan kaukir hiji takdir anu ngajegir lamun cilengkrang pada ngagarap geusan kamajuan kecamatan pinunjul di hiji lembur katelahna kota mashur Bandung tea. Hayu atuh sakabehna urang singkil baris ngamajukunana. cilengkrang dina ngaran anu kaukir caina pasti bisa mawa hurip urang kota bandung.

  11. wilujeng kakang…dimana kakang teh, dupi nu ku kakang di jugjug teh nyaeta desa Santana teras ka Desa Dawuan nu Aya Palutungan tempat camping tea kang tur upami kakang bade ka Gng Ciremai ti dieu para pendaki teh mulai trek na salian ti Linggarjati teh.. Upami kakang bade ka Cilengkrang tiasa motong jalan ti Desa Dawuan ngalangkungan pasir nu seueur ku pepelakan jagong tur wortel ke mendak jln satapak mengkol ka katuhu teras mapay eta jalan (lumayan nanjak turun) ke pami tos nepi palebah pupudunan kakang pasti mendak hawangan nu kiwari aya ci panasna tah eta Cilengkrang teh panjang dugi ka pilemburan…raos kakang di cilengkrang teh geura cobian ka ditu.

  12. ih ku wararaas ari aya nu cacarita kayaan lembur teh. sanajan kuring teu ka asup urang lembur ge ari ulinmahresep ka lembur, dina th.1974 kuring kungsi ka kuningan ka lembur cigugur eta geuning aya balong anu seueur laukna meni galeude pisan, tapi didinya teh nanjak deui kaluhur mapay jalan satapak baheula kitu ge duka kampung naon aranateh poho deuilah. ari tos diluhur teh nyawang ka handap ningali sawah undak-undakan caina cur cor herang. kuring di ajak babaturan kang edy namina kalembur etateh duka kang edy masih aya keneh kitu?ari ka cilengkrang palih mana tah kang endang?

  13. Upami kang Endang Sutisna gaduh e-mail atanapi YM info keun ka abdi atuh. Dupi alamat e-mail abdi : rastono@mbt-kons.co.id dupi alamat YM : rastono32@yahoo.com.
    Hatur nuhun sateuacanna.

  14. Tah geuningan tatanggi desa Kang Endang, Dupi nganjrek & damelna ayeuna dimana? abdi mah di Bandung kang. Paling sataun sakali ka Sidamulya mah, kecuali upami aya acara ngadadak. Upami rencang kang nu di Sidamulya teh saha? Abdi oge gaduh rerencangan di Pajambon waktos abdi sakola di SPG Kuningan, dupi namina mah rada samar margi benten kelas harita teh, upami bumina ti bale desa ka kidul teras ka kulon sakedik, palih kiduleun jalan. Tong hilap upami lebaran ka Kuningan wartosan nya. SMS we ka no 08122373106.
    Wilujeng ngajalankeun ibadah shaum.

    Rastono

  15. euleuh-euleuh aya urang tegal Jugul (wartosna ayeuna janten sidamulya apan leuwing keren TegalJugul sanes?!!) abdi oge gaduh rerencangan sakola kapungkur bumina di tegal jugul..abdi mah kawit ti Pajambon kang Rastono..salam tepang kasadayana.

  16. Kang Endang Sutisna dupi kawit teh timana? abdi janten emut ka pangalaman abdi waktos alit, margi cilengkrang teh tempat abdi nuju alit nyeepkeun waktos. Ti ngawitan nguseup di cilengkrang, muhara dugi ka sawah Desa Gandasoli. Dupi lembah Cilengkrang abdi kantos sakali nyejakeun nyukcruk dugi ka sungapan walungan, mani endah pisan. Dupi kawit mah abdi ti Desa Tegaljugul / Sidamulya ayeuna mah. Upami abdi bade ka Palutungan pasti ngalangkungan Cilengkrang, Sukamukti, Pajambon, ngalangkungan sawah upluk-aplak sareng bubulak satungtung tingal. Ah pokona mah waaaaaaas pisan…………………………..

  17. Pingbék: Nyawang Cilengkrang Ti Kaanggangan

  18. duh eta aya dikngkul tir aya teko… amatk waas basa mangsa keur leutik diajar ngagarit (nyieun jalur pikeun melak pare), terus diajar tandur (nencebkeun bibit pare dina guratan/jalur). duhh waas…

  19. Mani waasnya eta carita teh, leres pisan jigana rada menghawatirkeun boa-boa ku generasi ayeuna mah moal bisa kasorang.

    Atuh ayeuna sapanjang jalan anu nuju kalembur simkuring antara winduhaji kuningan anu kapungkur ngaplak hejonya sawah bet ayeunamah tos pepek ku bangunan geus nyambung jadi ngahiji, da jigana moal jauh di tempat anu sejenna oge teu beda jauh.

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s