Lemburkuring2007

Ngarumat Sumber Cai

Tunda talatah

Karang Taruna Tunas Mandiri
Ngarumat Sumber Cai

PIKEUN ngahudang partisipasi generasi ngora Desa Sidaraja dina enggoning ngarojong pamarentah nu ngait kana pasualan lingkungan, Karang Taruna Tunas Mandiri Desa Sidaraja Kacamatan Ciawigebang, Kabupaten Kuningan, sawatara waktu kaliwat, ngayakaeun gerakan melak bibit tangkal di sabudeureun sumber mata cai Cilanglayang.

Ketua Karang Taruna Tunas Mandiri, Nano. Sumarsono, nyebutkeun, di Desa Sidaraja teh aya 10 titik sumber mata cai nu perlu dipiara. Nya eta sumber mata cai Racak, Cilanglayang, Cisalak, Cisimpur, Sumur Kawung, Dangdeur, Hulu Dayeuh, Cigalumpit, Heuleut jeung Sumur Kedung.

Eta sumber mata cai, ceuk Nano, gede pisan mangfaatna pikeun kahirupan warga Desa Sidaraja. Malah ceuk Nano, satuluyna, beunang disebutkeun jadi andelan pikeun nyumponan bubutuh masarakat, pangpangna pikeun lahan pertanian. “Ieu kagiatan teh mudah-mudahan tiasa ngahudang partisipasi warga hususna pamuda nganggo miara lingkungan sabudeureun,” ceuk Nano Sumarsono.

Nurutkeun Nano, sakur sumber mata cai teh aya di lahan leuweung milik rayat nu legana kurang 70 hektar. Eta lahan nu kiwari digarap kurang leuwih 85 patani di eta desa, saenyana salila ieu geus euyeub ku tatangkalan kayaning tangkal Mahoni, Sengon, Albasiah, awi, caringin, Dangdeur, Jati jeung tatangkalan sejenna deui. Sanajan kitu, keur ngeuyeuban lahan dina raraga mieling dua taun ngadegna Karang Taruna Tunas Mandiri, para anggota sapuk pikeun ngayakeun kagiatan melak tangkal, sagigireun ngayakaeun kagiatan lianna samodel bakti sosial donor darah jeung olahraga.

Dina prakna, Karang Taruna Tunas Mandiri nampa bantuan bibit tangkal ti Dinas Kehutanan dan Perkebunan (Dishutbun) Kabupaten Kuningan, reana 500 tangkal, ti Program Pengantin Peduli Lingkungan (Pepeling) 100 tangkal, Swadaya masarakat 200 tangkal. Melak tangkal teh dijejeran ku Bupati Kuningan H. Aang Hamid Suganda.

Bupati Kuningan, H. Aang Hamid Suganda, nyebutkeun, pihakna ngarasa mere pangajen ka Karang Taruna Tunas Mandiri, nu eungeuh kana pasu;lan lingkungan hirup. Kusabab kitu, eta tarekah perlu diconto ku Karang taruna sejenna di kabupaten Kuningan. Sabab luyu jeung Peraturan Mentri Sosial No. 83/ HUK/ 20005 ngeunaan Pedoman Karang Taruna nya eta pikeun ngipuk kreatifitas Generasi Muda pikeun mekarkeun tanggung jawab sosial nu rekreatif, kreatif, edukatif, ekonomis produktif jeung kagiatan praktis ku cara ngadayagunakeun sakur sumber jeung potensi karaharjaan sosial kaasup lingkunganana. *

Ieu Warta  kungsi dimuat dina Koran Galura  

Kantunkeun Balesan

Fill in your details below or click an icon to log in:

WordPress.com Logo

You are commenting using your WordPress.com account. Log Out / Robih )

Twitter picture

You are commenting using your Twitter account. Log Out / Robih )

Facebook photo

You are commenting using your Facebook account. Log Out / Robih )

Google+ photo

You are commenting using your Google+ account. Log Out / Robih )

Connecting to %s