Astana Gede

ASTANA Gede teh ngarupakeun pamakaman umum, nu perenahna di lelewek Cipicung Kelurahan/Kacamatan/Kabupaten Kuningan.

Pangna disebut Astana Gede, lain saukur pedah lahanna nu lega, tapi rea oge warga nu boga anggapan yen

Astana Gede teh baheulana ngarupakeun pamakaman para gegeden atawa luluhur Kuningan nu gede jasana pikeun masarakat Kuningan.

Malah, tong boro jalma dalah sato oge saperti kuda nya eta Si Windu, kapan dikuburkeunana teh di Astana Gede. Nu matak tong heran, lamun di Astana Gede kiwari aya nu disebut kuburan kuda

Merdeka

ASA cikeneh urang mieling tepung taun proklamasi kamerdekaan Indonesia teh. Dua poe deui bangsa Indonesia baris mieling poe nu ngandung karamat, 64 taun Indonesia merdeka. Hayu urang eusi ku kagiatan nu positif, hayu urang ajenan jasa pahlawan, hayu urang singlar pacengkadan. Merdeka…! Merdeka…! Merdeka….!

Ti Kapuas

Wilujeung tepang kasadayana, nepangkeun simkuring tu kulawarga lembur kuring kabupaten kapuas kalimantan tengah,ngaraos bagja pisan tiasa mendakan ieu alamat..margi seueur diantawis warga paguyuban di kabupaten kapuas nu tos puluhan taun teu mulang ka tanah pasundan,nya dina wadah paguyuban kasono ka lembur teh asa kaubaran…

Ngabageakeun Ramadhan

WILUJENG mapag sasih shaum, mudah-mudahan urang diparinan kakiatan lahir batin. Amien. urang papag bulan anu sae teh ku kahadean pikeun eunteung urang mayunan sasih di luar Ramadhan (Uha Samsuha Palembang).

WILUJENG ibadah saum kasadayana, hapuntun pribados sakulawargi.
Urang beberesih heula kanggo mapag bulan suci Hatur nuhun. (Dadang Pakembangan)

WILUJENG ngajalankeun ibadah shaum kanggo ka sadaya urang Kuningan. Boh anu aya di pilemburan atanapi di pangumbaraan. Mudah2an amal ibadah urang ditampi ku Allah SWT. (RastonoTi Kota Kembang).

Assalamualikm Wr.Wb.
Kang Uha, wilujeng mapag Bulan Ramadhan, mudah-mudahan diparinan kakiatan lahir bathin. Wassalam : (Icuk Yunadi, Jakarta Timur).

SELAMAT menunaikan ibadah shaum..hampura bilih aya hilap atawa kasalahan..amin. (Rony Sukamukti-Jalaksana).

MARHABAN Ya Ramadhan kanggo saderek sadayana ti Kuningan pamugi urang sadaya tiasa ngisi ramadhan tahun ieu ku kasaean ibadah sareng amal sholeh, sareng jadi jalmi anu dipikacinta ku Alloh SWT. (Anang Sudrajat).

(Sim Kuring Nu aya di Lembur, teu sambung du’a kasadayana mugia urang sadaya tiasa langkung nyaketkeun diri ka Allah SWT. Amin.

Baktos

Zoen/Sarimbit).

Merdeka..!

SABAN mapag poe nu ngandung karamat, enya milangkala atawa tepung taun Proklamasi Kemerdekaan Republik Indonesia di lembur sok ngayakeun rupa-rupa acara. Rupa-rupa kamonesan diayakeun, samodel ceuk Kang Uha Samsuha, urang Winduhaji nu kiwari ngumbara di Palembang, saban agustusan di Winduhaji sok aya acara arung jeram nu tempatna di walungan Surakatiga.

Hayu atuh urang ngareuah-reuah poe nu ngandung sajarah. Peupeuriheun urang baheula teu milu bajuang, ayeuna bangsa urang geus merdeka saukur kari nuluykeun perjuangan para pajuang nu kiwari geus rea nu tilar dunya.

Poma, lebah dieu mah kecap merdeka teh tong dipelesetekeun. Sabab ngarebut kamerdekaan teh lain hal nu gampang. Memang, kecap merdeka bisa jadi rea hartina gumantung jalma nu ngahartikeunana. Tapi keur kuring pribadi, merdeka tetep merdeka leupas tina panalikung kaum penjajah.

(Beu, cuang ngobrol nyaritakeun Kamerdekaan, tong katungkulkeun teuing ku pasualan Pilkada).

Ngiring Bingah

Wilujeng sareng ngiring bingah ka Kang Awan Sundiawan Sarimbit (Baraya Lembur Kuring), rehna putrana Muhamad Ridwan Sidik, parantos ngalakonan salah sahiji sunah rosul (dkhitan).

Resepi Dinten Senen, Ping 21 Juli 2008, di Gedung Pemuda Kuningan Jalan Arya Kamuning No. 1 Kuningan.

Mugia janten murangkalih nu soleh, tuhu ka  ibu taat ka rama, tiasa babakti ka nagri sareng lemah cai, pon kitu taat ngalakonan sareat agama Islam. Amin. Amin.

Di Teras Eta..

Geretes Hate : Jaka Sunda

Ti saprak apa ngantun

Uih ka anu nyipta

Mamah.. Widian Abdi Uninga

Gerentes Hate, Sawangan, Lamunan

Gumujeng ukur, laku wales ditaros

Di teras eta pluran semen di pipir panto pengker bumi

Nya wanci pecat sawed ngantos lohor

Wanci ashar ngantos magrib

Mamah tos dua taun

Simpen rusiah sajarah taktak ngampleh tilas ngayun ambing abdi keur orok beureum

Dedeg ngabongkok da ngahuapan nyoo abdi keur budak

Una ukur ngagerentes hate anu kapireng ..

Bales ukur ningali mamah unggal di teras eta.

Bodas rambut ciri yuswa gurat yuswa dina raray, tilam soca

Anjeun, bati nuyun abdi budak keneh . mah, kedah kumaha abdi mulang tarima?

Gusyi anging anjeun nu baris ngabales

Pasapen, 9 Rajab 1429

(Catetan : Jaka Sunda ngintun ieu seratan ngalangkungan SMS Lwembur Kuring 08881969159. Hapunten bilih aya nu kapotong atanapi kirang merenah nempatkeunana).

Jaka Sunda, masihan saran kanggo muka SMS ONLINE di Lembur Kuring. Insya Allah, janten tinimbangan kanggo kapayunna . Hatur Nuhun

Bewara

Dina raraga mapag tepung taun ka 510 Kuningan, Insya Allah sim kuring sareng rengrengan Baraya di Kuningan baris ngayakeun Pameran Foto Kuningan dari Masa ke Masa. Ku kituana, ka baraya nu bade ngiringan pameran mangga dantos. Ngeunaan waktosna teu acan tiasa ditangtoskeun. Hatur Nuhun